Իհարկե ուզում եմ, որ ինձ բերման ենթարկեն, որ ոստիկանների վրա ավելի հետաքրքիր քրեական հոդվածներ լինեն. Արամ Վարդևանյան
Հերթական խայտառակ ապօրինությունն է, մասսայական բերման են ենթարկում: Այս մասին լրագրողների հետ զրույցում ասաց ԱԺ «Հայաստան» խմբակցության պատգամավոր Արամ Վարդևանյանը:
«Անմարդկային կերպով բերման էին ենթարկում մի աղջկա, ում ձեռքը կոտրված է ու պետք է տեսնեիք՝ ինչպես էին բերման ենթարկում: Իմ վերաբերյալ տեղեկություն ստացա, թե ինչպես էին ասում ՝ կարմիր շորովին տարեք, բայց հետո փոշմանեցին»,- ասաց Արամ Վարդևանյանը:
Նա նաև նշեց, որ արդեն տրամադրված էր, որ իրեն բերման են ենթարկելու:
«Իհարկե, ինձ ճանաչում են և 3 անգամ փորձել են բերման ենթարկել, բայց ավտոբուսի մոտից փոշմանում են, իսկ ես դեմ եմ այդ վարքագծին: Այո, իհարկե ես ուզում եմ, որ ինձ մինչև վերջ բերման ենթարկեն, որ ոստիկանների վրա ավելի հետաքրքիր քրեական օրենսգրքով հոդվածներ լինեն, իսկ վաղ թե ուշ, դա լինելու է »,- նշեց պատգամավորը:
