«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

<p style="text-align: justify;"><strong>&laquo;Ամեն օր մեզ Ադրբեջանից ուղարկում են տարբեր ուղերձներ՝ բոլոր այս տարիներին: Այս 2 տարիների ընթացքում կան առանձնահատկություններ, բայց պետք է հստակեցնենք, որ Ադրբեջանն ունի ռազմավարական նպատակ՝ ամբողջովին հայությանը ոչնչացնել կամ դուրս մղել այս տարածաշրջանից&raquo;</strong>,-<strong><a href="https://168.am/2020/07/18/1338025.html" rel="noopener" target="_blank">168TV</a></strong>-ի &laquo;Ռեվյու&raquo; հաղորդման ընթացքում ասաց Մարդու իրավունքների առաջին պաշտպան&nbsp;<strong>Լարիսա Ալավերդյանը</strong>:</p> <p style="text-align: justify;">Նա ընդգծեց.&nbsp;<strong>&laquo;Ադրբեջանը 1918-20թթ. ստեղծվել է Թուրքիայի կողմից՝ Ցեղասպանությունը շարունակելու նպատակով: Ադրբեջանի միջոցով Թուրքիան փորձում է ավարտին հասցնել այն, ինչ սկսել է 1915թ.: Մենք պետք է հասկանանք, որ դա այն հիմնական ուղին է, որից չի կարող շեղվել Ադրբեջանը&raquo;:</strong></p> <p style="text-align: justify;">Ըստ Լարիսա Ալավերդյանի՝ նորանկախ Հայաստանի հանդեպ Ադրբեջանը չի փոխել իր այդ դիրքորոշումը.&nbsp;<strong>&laquo;Մանավանդ, որ մեր առաջին նախագահի և իր թիմի կողմից նախ և առաջ Արցախի հարցում որդեգրվել է այնպիսի մոտեցում, որը, կներեք, գրեթե հրավեր էր Ադրբեջանին՝ հարձակվելու նախ և առաջ արցախահայության վրա&raquo;:</strong></p> <p style="text-align: justify;">Հիմա, նրա խոսքով՝ Ադրբեջանն օգտվում է այն պարզ իրավիճակից, որ այդպես էլ չհստակեցվեցին Վիեննայի, Սանկտ Պետերբուրգի Ժնևի պայմանավորվածությունները:</p> <p style="text-align: justify;">Ադրբեջանի պաշտպանության նախարարությունը պաշտոնապես հայտարարել է, որ ադրբեջանական զինված ուժերը կարող են հրթիռակոծության ենթարկել Հայաստանի Մեծամորի ատոմային էլեկտրակայանը: Լարիսա Ալավերդյանն այս հայտարարության վերաբերյալ ասաց, որ դա հայտարարությունն անողի ինտելեկտուալ հետամնացության մասին է խոսում.</p> <p style="text-align: justify;"><strong>&laquo;Թողնել դա զուտ այն ենթադրությանը, որ նա ունի ինտելեկտուալ խնդիրներ&hellip; դա հստակ սպառնալիք է: Դրանով խախտվում է ՄԱԿ-ի կարևորագույն սկզբունքներից մեկը՝ նա սպառնում է, և սպառնում է այնպիսի օբյեկտի վրաբերյալ, որը համաշխարհային մակարդակով վտանգ է ներկայացնում: Երրորդ՝ դա հանցագործություն է, որի մասին արդեն ծրագրում և հայտարարում են, բայց դեռ չեն իրականացրել&raquo;</strong>:</p> <p style="text-align: justify;">Լարիսա Ալավերդյանը հավելեց, որ պետք է անհապաղ դիմել ՄԱԿ-ի Անվտանգության խորհրդին.<strong>&nbsp;&laquo;Այնպես չլինի, որ մենք 2016թ. ապրիլի նման ուշացնենք, երբ Ադրբեջանը սպասեց 5 օր, և ամսի 7-ին ինքը դիմեց ՄԱԿ-ի Անվտանգության խորհուրդ, լկտիաբար գրավոր հայտարարեց, որ Հայաստանը հարձակվել է իր վրա: Ալամ աշխարհը գիտեր, որ այդպես չէ, բայց նա դիմել է, իսկ եթե գրավոր դիմումը կա, պետք է դրան արձագանքեն: Ես կոչ եմ անում անհապաղ գրագետ դիմում կազմել և դիմել ՄԱԿ-ի Անվտանգության խորհրդին, որտեղ մենք ունենք առնվազն 3 անդամ պետություններ, որոնք համանախագահներ ունեն ՄԽ-ում&raquo;:</strong></p> <p style="text-align: justify;">&nbsp;</p> <p style="text-align: right;"><em>Աղբյուր`&nbsp;&nbsp;7or.am</em></p>