Ադրբեջանից վտարված հայերը փոխհատուցում են պահանջում. մանրամասներ
1989 թվականին Ադրբեջանից բռնագաղթած հայերը պահանջում են փոխհատուցել իրենց ունեցվածքի համար, որը փոխանցվել է ադրբեջանցիներին:
Փաստն այն է, որ 1988 թ.-ին Արցախում ազգային-ազատագրական շարժման մեկնարկից հետո Հայաստանն ու Ադրբեջանը «վերաբնակեցում» իրականացրին Ադրբեջանի Շամխորի, Խանլարի, Կիրովաբադի շրջանների մի շարք բնակավայրերում և Հայաստանի ադրբեջանաբնակ գյուղերում:
Վերաբնակեցումից հետո Հայաստանը փոխհատուցում է վճարել Ադրբեջան տեղափոխված ադրբեջանցիներին, սակայն 32 տարի անց Բաքուն չի էլ հիշում իր պարտավորությունները: Հայ գաղթականներից և փախստականներից շատերը դեռ ունեն փաստաթղթեր, ըստ որոնց ՝ նրանք պետք է փոխհատուցում ստանան կորցրած ունեցվածքի համար: Ջարդերի ընթացքում Ադրբեջանից փախած շատ հայեր ՝ իրենց կյանքը փրկելով, նույնիսկ չկարողացան ապացույցներ ստանալ, որ ստիպված են եղել հեռանալ:
Նշենք, որ Ադրբեջանում հայերը հիմնականում ապրում էին քաղաքներում, ներկայացնում էին երկրի մտավորականությունը կամ զբաղվում էին ձեռնարկատիրական գործունեությամբ և տիրապետում էին զգալի ունեցվածքի: Հետևաբար, միգրանտների և փախստականների մեծ մասը ստիպված տեղափոխվեցին քաղաքներից գյուղեր:
@Infoteka24
Թարգմանություն՝ Մելինե Մարկոսյան
