«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

Թուրքիայի արտգործնախարարությունը հայտարարություն է տարածել Իսրայել-Իրան աճող լարվածության վերաբերյալ:

Հայտարարության մեջ նշվել է, որ Թուրքիան շարունակելու է քայլեր ձեռնարկել, որպեսզի այդ լարվածությունը տարածաշրջանի կայունությանը վնասող և համաշխարհային մակարդակում էլ ավելի մեծ բախման պատճառ հանդիսացող գործընթացի չվերածվի:

«Իսրայելի կողմից Դամասկոսում Իրանի արտգործնախարարության ուղղութամբ իրականացված հարձակումը, որը հակասում է միջազգային իրավունքին, արդարացնում է մեր մտահոգությունները:  Իրանի պատասխանն այս հարձակմանը և դրան հաջորդած զարգացումները ևս մեկ անգամ ցույց են տալիս, որ դեպքերը կարող են արագ վերածվել տարածաշրջանային պատերազմի:

Թուրքիան այսօր ևս լարվածությանը վերջ տալու ուղղությամբ բացահայտ ուղերձներ է հղում իրանցի պաշտոնայաներին և Իսրայլի վրա ազդեցություն ունեցող արևմտյան երկրներին»,-ասվել է հայտարարությունում:

Հիշեցնենք, որ Իրանը ապրիլի 14-ի գիշերն էր Իսրայելի ուղղությամբ հարձակում իրականացրել՝ արձակելով շուրջ 100 հարվածային ԱԹՍ և հրթիռներ:

Այն պատասխանն էր ապրիլի 1-ին Իսրայելի կողմից Սիրիայի մայրաքաղաք Դամասկոսում գտնվող Իրանի դեսպանատան վրա իրականացված հարձակմանը, որին զոհ էր գնացել 7 մարդ, որից 2-ը Իրանի հեղափոխական պահապանների կորպուսի (ԻՀՊԿ) գեներալ էին, իսկ 5-ը՝ սպա: 

https://www.ermenihaber.am/