Արամ Խաչատրյանի տուն-թանգարանը երկու նոր հրատարակություններ է լույս ընծայել
Լույս է տեսել Արամ Խաչատրյանի «Դիմակահանդես» բալետից հատվածներ դաշնամուրի համար նոտաների գիրքը (Երևան, «Հայաստան» հրատարակչություն, 2020): Գրքում ընդգրկված են «Վալս», «Մազուրկա», «Ռոմանս», «Գալոպ» ստեղծագործությունների փոխադրումները:
Հրատարակությունը նվիրված է Մ. Լերմոնտովի համանուն դրամայի՝ Արամ Խաչատրյանի երաժշտության ստեղծման 80-ամյակին:
Լույս է տեսել նաև Արամ Խաչատրյան, Հատվածներ «Գայանե» և «Սպարտակ» բալետներից (մշակումները երկու դաշնամուրի համար) ժողովածուն (Երևան, «Ամրոց Գրուպ», 2020):
Մշակումները՝ հայտնի երաժիշտ, խաչատրյանագետ, Լատվիայի վաստակավոր արտիստ, հասարակական գործիչ, արվեստագիտության դոկտոր Րաֆֆի Խարաջանյանի, կազմող` Արամ Խաչատրյանի տուն-թանգարանի տնօրեն, դաշնակահարուհի, պրոֆեսոր Արմինե Գրիգորյան:
Նոտագրքում ներկայացված է նաև Րաֆֆի Խարաջանյանի՝ Արամ Խաչատրյանի մասին եռալեզու էսսեն, որում անդրադարձ է կատարվել կոմպոզիտորի ստեղծագործությունների յուրահատկություններին և ներկայացվող մշակումների կատարողական առանձնահատկություններին:
