Թուրքիան Հայաստան և Հունաստան ներխուժելու ծրագրեր է մշակել
<p>Թուրքիան Հայաստանի Հանրապետություն և Հունաստանի Հանրապետություն ներխուժելու ծրագրեր է մշակել: <a href="https://armenpress.am/arm/">«Արմենպրես»</a>-ի փոխանցմամբ՝ այս մասին հայտնում է Jerusalem Post-ը՝ վկայակոչելով Nordic Monitor-ի կողմից հրապարակված գաղտնի փաստաթղթերին:</p> <p>Ենթադրվում է, որ ծրագրերը պատրաստվել են Թուրքիայի Զինված ուժերի գլխավոր շտաբի կողմից՝ որպես անկանխատեսելի հանգամանքներ՝ կապված Սիրիայում իրադարձությունների զարգացման, զորքերի տեղաշարժման ժամանակ արևմտյան ճակատում հարձակողական և զսպող հնարավորությունների պահպանման հետ:</p> <p>«Թուրքական զինված ուժերի գործողությունների պլանավորման հրահանգ» անվանումով շնորհանդեսը թվագրվում է 2014թ. հունիսի 13-ով։ Nordic Monitor-ի զեկույցի համաձայն, սա խոսում է այն մասին, որ ծրագիրը, ամենայն հավանականությամբ, թարմացվել և լրամշակվել է որոշ վաղ նախագծերի քննարկումից հետո, և, որ ծրագիրը դեռևս կարող է ակտիվ լինել:</p> <p>Փաստաթղթում ներառվել են նաև Հայաստան ներխուժման պլանները: Տվյալ դեպքում գործողությունը կոչվում էր «TSK Altay Harekât Planlama Direktifi», որը թվագրվում էր 2000թ. օգոստոսի 15-ով։</p> <p>Փաստաթղթերի փոխանակումն իրականացվել է գլխավոր շտաբի բարձրագույն հրամանատարների կողմից պաշտպանված ներքին էլեկտրոնային փոստի միջոցով, հաղորդում է լրատվական պորտալը: Նրանք, հավանաբար, պատահաբար արտահոսել են Անկարայում քննվող դատական գործի շրջանակներում, որը դատախազ Սերդար Կոշկունը դատարանին ներկայացրել է 2016 թվականի հուլիսին Թուրքիայի նախագահ Ռեջեփ Թայիփ Էրդողանի դեմ ձախողված ռազմական հեղաշրջման հետաքննության շրջանակներում: Գլխավոր շտաբի բոլոր էլեկտրոնային նամակները հեղաշրջումից երկու ամիս առաջ առգրավվել են դատախազության կողմից։</p> <p>Գլխավոր շտաբը խուճապի է մատնվել գաղտնի փաստաթղթերի հնարավոր արտահոսքի պատճառով և դատարանին կոչ է արել թույլ տալ փաստաթղթերի ստուգումը մինչև դրանք ներկայացնելը: Սակայն, ըստ ամենայնի, դատախազներն անտեսել են այդ մտավախությունները:</p> <p> </p> <p>Աղբյուրը` Armenpress</p> <p>Կայքը` Generalnews.am</p>
