«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

Ազգերի լիգայի գավաթի խաղարկության խմբային փուլի վերջին տուրում Հայաստանի ֆուտբոլի ազգային հավաքականը դաշտի տիրոջ կարգավիճակում մրցում է Հյուսիսային Մակեդոնիայի ընտրանու հետ: Հանդիպումը Երևանի փոխարեն կայանում է Նիկոսիայում: 

Առաջին խաղակեսի ավարտից հետո, չնայած կողմերի գործադրած ջանքերին, հաշիվը չի բացվել: Թիմերը պայքարում են խմբում առաջին տեղը գրավելու համար: Մակեդոնացիները վաստակած 9 միավորով առաջին հորիզոնականում են, Հայաստանի հավաքականն ունի 8 միավոր և երկրորդն է:

Հիշեցնենք, որ Հայաստանի ազգային հավաքականի 4 ֆուտբոլիստի մոտ ախտորոշվել է կորոնավիրուսային հիվանդություն: Համավարակի դրական թեստի պատճառով Հայաստան-Հյուսիսային Մակեդոնիա հանդիպմանը չեն մասնակցում Գևորգ Ղազարյանը, Սարգիս Ադամյանը, Անդրե Չալըշըրը և Գրիգոր Մելիքսեթյանը: Կորոնավիրուսով վարակվել են նաև ֆիզպատրաստության մարզիչ Խավիեր Մինյանոն, ինչպես նաև պատվիրակության ևս 3 անդամ:

Հեղինակ`Հռիփսիմե Ղազարյան, 1Lurer.am