«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

<p>Երևանի համայնքային իշխանությունը դիմել է ՀՀ պարետին՝ մանկապարտեզների գործունեությունը հունիսի 20-ից ժամանակավորապես դադարեցրելու առաջարկով։<a href="https://armenpress.am/arm/">&nbsp;&laquo;Արմենպրես&raquo;</a>-ի հաղորդմամբ՝ այս մասին &laquo;Ֆեյսբուք&raquo;-ի իր էջում գրել է Երևանի քաղաքապետի մամուլի խոսնակ Հակոբ Կարապետյանը։</p> <p>&laquo;Հաշվի առնելով, որ վերաբացվելուց հետո համայնքային նախակրթարաններում հաճախելիությունը չափազանց ցածր է (6-7 տոկոս), ինչպես նաև մանկապարտեզների աշխատակազմերում կորոնավիրուսով վարակվածության դեպքերն ավելանում են, Երևանի համայնքային իշխանությունը դիմել է ՀՀ պարետին՝ մանկապարտեզների գործունեությունը հունիսի 20-ից ժամանակավորապես դադարեցրելու առաջարկով։ Մինչև մայիսի 20-ը՝ մանկապարտեզների վերաբացման ամսաթիվը, հարցումների արդյունքում ակնկալվում էր, որ կունենանք մինչև 30 տոկոս հաճախելիություն։ Վերաբացվելուց հետո՝ առաջին օրերին, հաճախելիությունը մոտ 10 տոկոս էր, որն այս շաբաթների ընթացքում գնալով նվազեց մինչև 6-7 տոկոսը&raquo;,- նշել է Կարապետյանը։</p> <p>Նա հայտնել է, որ հավանական է՝ սույն առաջարկի շրջանակում յուրաքանչյուր վարչական շրջանում կենտրոնացված մեկ կամ երկու մանկապարտեզ գործի՝ վարչական շրջանի երեխաների համար։ Կարապետյանը հույս է հայտնել, որ վարակի դեմ համընդհանուր պայքարի արդյունքում հնարավորինս շուտ հնարավոր կլինի նախակրթությունը վերադարձնել բնականոն հունի մեջ։ Քաղաքապետի մամուլի խոսնակը նշել է, որ առաջիկա օրերին կտեղեկացնեն, թե որ վարչական շրջանում, որ մանկապարտեզները կգործեն:</p> <p><em>Կառավարությունը հունիսի 12-ին որոշում է կայացրել ՀՀ-ում 2020 թվականի մարտի 16-ին հայտարարված և մինչև հունիսի 13-ը երկարաձգված արտակարգ դրության ժամկետը 2020 թվականի հունիսի 13-ից՝ ժամը 17:00-ից երկարացնել ևս 30 օրով՝ մինչև 2020 թվականի հուլիսի 13-ը՝ ժամը 17:00-ն ներառյալ ժամկետով:</em></p> <p>&nbsp;</p> <p><em>Աղբյուրը` Armenpress</em></p> <p><em>Կայքը` Generalnews.am</em></p>