Սա պատմության մեջ առաջին դեպքն է, երբ օրենքի նախագծի հեղինակները ՀՀ քաղաքացիներն են․ Ղազարյան
Մենք պիտի փաստենք մի բան, որ սա պատմության մեջ առաջին դեպքն է, երբ օրենքի նախագծի հեղինակները ՀՀ քաղաքացիներն են: Այս մասին այսօր ԱԺ-ի դիմաց հավաքված բողաքի ակցիայի ժամանակ ասել է հասարակական գործիչ Էդգար Ղազարյանը:
«Մեր սահմանադրությամբ, հիմնականում, օրենսդրական նախաձեռնություն իրականացրել են պատգամավորները, խմբակցությունները և կառավարությունը: Առաջին դեպքն է, որ օրենքի նախագծի հեղինակը 58,000 քաղաքացի է:
Նախագիծը ԱԺ-ում խորհրդարանական լսումների ժամանակ քննարկվել է, բայց «Քաղաքացիական պայմանագիր» խմբակցության ոչ մի պատգամավոր այդ քննարկմանը չի մասնակցել, իհարկե հաճելի է ԱԺ դահլիճը տեսնել առանց ՔՊ-ի պատգամավորների, և կարծում եմ, որ դա այդ դահլիճի ճիշտ վիճակն է: Բայց այս վիճակը պետք է լինի , ոչ թե, որ իրենք ունենան պատգամավորի կարգավիճակ ու չգան, այլ պետք է զրկվան այդ կարգավիճակից: Որպեսզի իրենք այդ կարգավիճակից զրկվեն, պետք է ժողովուրդը համախմբվի և միասնական ուժով իրենց վռնդի այս շենքից:
Եթե նախագիծը ընդունվի, ցանկացած պատգամավոր, ով Արցախը կընդունի Ադրբեջանի կազմում, կձերբակալվի»,- ասել է նա:
