«Տերյանը… ազնիվ մետաղի պես փայլ տվեց մեր «արքայական» լեզվին». Սևակը` Տերյանի մասին
09/02/2021
Մեծերը` մեծերի մասին.
«Տերյանը… ազնիվ մետաղի պես փայլ տվեց մեր «արքայական» լեզվին, հարստացրեց մեր ազգային քնարերգությունը նոր մոտիվներով ու տաղաչափական ձևերով, նույնիսկ դուռ բացեց նոր հանգի համար…»,- այսպես է նկարագրել Տերյանին հանճարեղ Պարույր Սեւակը :
«Հանդիպել է քեզ պատմության շեմին, ուղեկցել ամբողջ երիտասարդությունդ և այնուհետև դարձել մշտական բարեկամդ: Նրան ծանոթանալուց է սկսվել գիտակցական կյանքդ, որի թարգմանիչն է դարձել, երբ`ինքդ տակավին եղել ես «անլեզու». Սերդ ես խոստովանել` նրա լեզվով, կարոտդ թեթևացրել նրա բառերով, թախծել ես` նա՛ քեզ հետ, երջանկությունդ ու բերկրանքդ է խոսել նրա բերանով: Նրա մտքերն ու խոհերը, ապրումներն ու հույզերը գիտես անգիր»,-թերևս` բոլորիս անունից, Տերյանի մասին գրել է Սևակը:
