USCIRF-ը դատապարտել է Թուրքիայում հայկական եկեղեցու քանդումը, որտեղ մկրտվել է Կոմիտասը:
30/01/2021
ԱՄՆ Միջազգային կրոնական ազատության հանձնաժողովի (USCIRF) փոխնախագահ Թոնի Փերքինսը հայտարարել է, որ հանձնաժողովը դատապարտում է Թուրքիայի Քյութահյեի Սուրբ Թորոս պատմական հայկական եկեղեցու քանդումը ՝ չնայած պահպանվող օբյեկտի կարգավիճակին:
Twitter-ի իր էջում նա գրել է, որ Թուրքիան պետք է ապահովի իր բազմազան կրոնական և մշակութային ժառանգության պաշտպանությունը:
"Ժողովուրդների դեմոկրատական կուսակցության" պատգամավոր Գարո Փայլանն էլ իր հերթին հարցնում է, թե ինչպես է Թուրքիայի Քյութահյա նահանգում գտնվող պատմական հայկական Սուրբ Թորոս եկեղեցին քանդվել, չնայած այն բանին, որ այն պահպանության տակ է եղել: Նա նշել է, որ եկեղեցին ևս կարևոր հիշարժան վայր էր, քանի որ այնտեղ մկրտվել է կոմպոզիտոր Կոմիտասը ։
