ԼՈՒՍԱՆԿԱՐՆԵՐ. Ռիշի Սունակն առաջին անգամ ժամանել է Կիև և 50 միլիոն ֆունտ ստերլինգի օգնության փաթեթ խոստացել Զելենսկուն
Մեծ Բրիտանիայի վարչապետ Ռիշի Սունակը պաշտոնը ստանձնելուց ի վեր առաջին անգամ ժամանել է Կիև, որտեղ հանդիպել է Ուկրաինայի նախագահ Վլադիմիր Զելենսկու հետ, գրում է Daily Mail-ը:
42-ամյա վարչապետը Կիևում գտնվելու ընթացքում ծաղիկներ է դրել պատերազմի զոհերի հիշատակը հավերժացնող հուշակոթողի մոտ:
Ուղևորության ընթացքում Սունակը հաստատել է 50 միլիոն ֆունտ ստերլինգի օգնության փաթեթը, որը կօգնի ուժեղացնել Ուկրաինայի հակաօդային պաշտպանությունը:
«Ուկրաինացի ժողովրդի խիզախությունը ոգեշնչում է աշխարհին: Տարիներ հետո մենք մեր թոռներին կպատմենք ձեր պատմությունը»,- ասել էՄեծ Բրիտանիայի վարչապետը Զելենսկու հետ հանդիպմանը:
Սունակը խոստացել է, որ Մեծ Բրիտանիան «կկանգնի Ուկրաինայի կողքին այնքան ժամանակ, քանի դեռ Ուկրաինան չի շահել իրեն անհրաժեշտ և արժանի խաղաղությունն ու անվտանգությունը, իսկ հետո երկրի կողքին կլինի վերակառուցման ժամանակ»:
