Ի պատասխան թուրքական քաղաքների գնդակոծությունների՝ Թուրքիան վերսկսել է հարվածները Սիրիային
Թուրքիայի ռազմաօդային ուժերի F-16 կործանիչներն այսօր վերսկսել են հարձակումները Սիրիայում Քրդստանի աշխատավորական կուսակցության և Ժողովրդական ինքնապաշտպանության ջոկատների քրդական կազմավորումների դիրքերի վրա, տեղեկացնում է CNN Türk-ը:
Նշվում է, որ օդային հարվածներ են հասցվում Քոբանիի շրջանում՝ ի պատասխան Օնջուպինար և Քարկամիշ քաղաքների գնդակոծությունների։
Ավելի վաղ հայտնի էր դարձել, որ սահմանային Օնջուփինարը կիրակի օրը գնդակոծության է ենթարկվել, ինչի հետեւանքով վիրավորվել են Թուրքիայի անվտանգության երեք աշխատակիցներ։ Երկուշաբթի օրը առնվազն հինգ հրթիռ է պայթել Քարքամիշ քաղաքում, արկերն ընկել են լիցեյի և բնակելի շենքերի վրա։ Մահացել է երեք մարդ, այդ թվում՝ մեկ երեխա։
Նշենք, որ թուրքական ԶԼՄ-ները թուրքական քաղաքների գնդակոծման համար մեղադրում են հանրապետությունում արգելված Քրդստանի աշխատավորական կուսակցության և Ժողովրդական ինքնապաշտպանության ուժերի անդամներին:
