Էմիլ Տարասյանը ՀՀ նախագահի աշխատակազմի ղեկավարի պաշտոնից ազատվել է իր դիմումի համաձայն
23/01/2022
Էմիլ Տարասյանը իր դիմումի համաձայն ազատվել է ՀՀ նախագահի աշխատակազմի ղեկավարի պաշտոնից։ Նախագահը հրամանագիր է ստորագրել, որում ասվում է․
«Հիմք ընդունելով Սահմանադրության 139-րդ հոդվածի 1-ին մասը, ինչպես նաև Հայաստանի Հանրապետության աշխատանքային օրենսգրքի 112-րդ հոդվածը և «Հանրային ծառայության մասին» օրենքի 9-րդ հոդվածի 11-րդ մասը.
Էմիլ Տարասյանին ազատել Հանրապետության նախագահի աշխատակազմի ղեկավարի պաշտոնից՝ համաձայն իր դիմումի»։
Հավելենք, որ Տարասյանի հրաժարականի դիմումը հաջորդել է նախագահ Արմեն Սարգսյանի հրաժարականին։