Երևանում Արսեն Թորոսյանի մասնակցությամբ ՃՏՊ է տեղի ունեցել
<p> Երևանում ՀՀ առողջապահության նախարար Արսեն Թորոսյանի մասնակցությամբ ճանապարհատրանսպորտային պատահար է տեղի ունեցել․ վրաերթի է ենթարկվել 10-ամյա երեխա։</p> <p><a href="https://armenpress.am/arm/"><strong>«</strong><strong>Արմենպրես</strong></a><strong><a href="https://armenpress.am/arm/">»</a>-</strong>ի հաղորդմամբ՝ այս մասին Թորոսյանը գրել է «Ֆեյսբուք»-ի իր էջում:</p> <p>«Իմ անձնական մեքենայի ղեկին եղել եմ ես։ Սախարովի հրապարակից Վարդանանց փողոց մուտք գործելիս (աշխատանքի վայր գնալիս), դանդաղ ընթացքի ժամանակ մեքենայի աջ կողմով հարված է տեղի ունեցել 10-ամյա մի երեխայի։ Երեխային ինքս անմիջապես տեղափոխել եմ հիվանդանոց, անցկացվել են բոլոր հետազոտությունները։ Նրա մոտ կա միայն աջ ձեռքի արմնկային հատվածի քերծվածք, կյանքին և առողջությանը վտանգ չի սպառնում։ Նա որոշ ժամանակ կգտնվի բժիշկների հսկողության տակ և այնուհետև կգնա տուն»,-պատմել է Թորոսյանը:</p> <p>Նա հավելել է, որ դեպքի մասին անմիջապես հայտնվել է ոստիկանությանը նյութեր նախապատրատելու համար։</p> <p> </p> <p> </p> <p>Նյութը` Armenpress</p>