«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

ՄԱԿ-ի Արդարադատության միջազգային դատարանում այսօր՝ ապրիլի 16-ին, շարունակվում են «Հայաստանն ընդդեմ Ադրբեջանի» գործով բանավոր լսումները։

Մինչեւ ապրիլի 19-ը Միջազգային դատարանը կլսի հայկական կողմի բողոքը երկու փուլով։ Հայաստանի դիրքորոշումը ներկայացնում է Եղիշե Կիրակոսյանը։

Հիշեցնենք, որ երեկ նիստը սկսվել էր ադրբեջանական կողմի առարկություններով։ Ըստ նրանց՝ Հայաստանի ներկայացրած բողոքը պետք է մերժվի, քանի որ այն դատարանի իրավասության ներքո չէ։

Նշենք, որ բացի Հաագայի դատարանի Հայաստանն Ադրբեջանի դեմ եւս 4 միջպետական գանգատ է ներկայացրել նաեւ Եվրոպական դատարան։ Առաջինը վերաբերում է 44-օրյա պատերազմին եւ դրան հաջորդած խախտումներին, երկրորդը՝ տարբեր փուլերում գերեվարված հայերի նկատմամբ ապօրինի դատավարություններին, երրորդը՝ Հայաստանի սուվերեն տարածքում ադրբեջանցիների զինված ներկայությանը եւ դրա հետեւանքով մարդու իրավունքների խախտումներին, չորրորդը՝ Արցախում տեղի ունեցած խախտումներին, այն ներառում է նաեւ արցախահայերի բռնի տեղահանությունը։